मेरो म फर्काइदेन
ए जिन्दगी मलाई मेरो म फर्काईदेन ,
कहाँ लगिस् मेरो म लाई, कहाँ लुकाईस् ?
दिनरात खोजिरहेछु चारैतिर, खै मेरो म? ?
किन अपहरण गरिस् मेरो म लाई ?
ए जिन्दगी मलाई मेरो म फर्काईदेन !
तैंले लुटेको मेरो म मलाई फिर्ता देन ।
आफैं लुकाईस् अनि आफैं फिरौती बुझाउँदैछस् ?
खै कहाँ छ मेरो म? एकचोटी भनिदेन ,
तँलाई मेरो म को कसम एकचोटी केवल एकचोटी
मलाई मेरो म देखाइदेन ,
ए जिन्दगी मलाई मेरो म फर्काईदेन ।
हिजो पनि खोजें, आज पनि खोजें
खोज्दा खोज्दै बेहोस बेहोस भएछु, खै मेरो म? ?
एक झलक हेर्छु नी उसलाई अनि तैले नै लिएर जानु,
ए जिन्दगी मलाई मेरो म फर्काईदेन ,
एकपल्ट केवल एकपल्ट मलाई मेरो म भेटाईदेन ।
किन लुटिस् म बाट मेरो म लाई?
मेरो गल्तीको सजाय किन मेरो म लाई दिन्छस् ,
ए जिन्दगी ? किन मेरो म लाई चोरिस् म बाट?
ए जिन्दगी मलाई मेरो म फर्काईदेन ,
एकचोटी मलाई मेरो म देखाइदेन ।
म बोल्छु नी उ सँग, बोल्न देन उसलाई,
मैले नछोएको कति भयो, छुन देन उसलाई,
किन मेरो म लाई टाढा बनाउदैछस् ?
ए जिन्दगी किन सुन्दैनस् ? मलाई मेरो म देखाइदेन ,
मलाई मेरो म सँग भेटाइदेन ।
किन टाढा बनाउँदैछस् उसलाई म देखी ?
चोट हजार दे मलाई सहन्छु तर मलाई मेरो म फिर्ता दे,
एक्लै के गर्दैहोला उ म बिना !
एकचोटी केवल एकचोटी मेरो म भेटाइदे,
ए जिन्दगी मलाई मेरो म फर्काईदेन ,
कहाँ लुकाइस् मेरो म लाई? एकचोटी भेटाइदेन,
एक्चोटी फर्काइदेन ।
युवराज अर्याल, श्री अन्तु, इलाम
Comments
Post a Comment