आफन्तको  बियोगले, चित्कार  छ पशुपतिमा,
चखेवाझैं प्रेम जोडीको,खित्कार छ पशुपतिमा ।

कसैलाई बिरह  त्यहाँ, कसैको त्यो संयोग बन्छ,
शब्द  हटिया भर्नलाई  गीतकार  छ पशुपतीमा ।

अभिनय  कलालाई आँसु आउन्न भन्छन्  अन्त,
श्राद्ध नक्कल गर्नलाई कलाकार छ पशुपतिमा ।

हजारौंको  प्रवेश  रोकी,बिशिष्टको पहिले पालो,
त्यही पालोको अघिपछि पत्रकार छ पशुपतिमा ।

रमिताले  लाममा कोही, कसैलाई  विवशता  छ,
शन्ततीको भोको पेटले,सुजिकार छ पशुपतिमा ।

                                 युवराज अर्याल