भुइंचालो

आउँछ गड्गडाई यो धरती  घुम्दछ आँफै फनफनि,

लडाउछ सबै भात्काउँछ यसले,छोड्दैन कसैलाई पनि। 

कोही भन्दछन् धरतीले उसको  काँध फेर्यो रे भनी,

कोही मान्दछन् इशको लीला यस्तै यस्तै त छनी । 

न आउने मार्ग देखिन्च्छ यसको,न जाने केही  छैन,

हाँसी खुशी यहाँ छौँ अहिले, भोली हुनेहो कि हैन । 

आएथियो पहिले कयौँ चोटि यहाँ, लगेथ्यो सबै हरी, 

बाँच्नु पर्‍यो छट्पट्टिमा,जिउँदै पटक पटक मरी ,

समयमा बुद्धी पुर्याए यसले,कहा छुन सक्थ्यो र,

प्रतिरोधी बनाई बाँच्न यसले, कहाँ रोक्न सक्थ्यो र । 

सचेतना जगाउँ सबैमा यसको, प्रतिरोधी घर बनाउँ,

अनी रम्दथियो शहर बलियो, हाँस्दथ्यो खुशीले गाउँ ।