मोबाइलमा घण्टी बज्दा नडराउन प्रिये,
बाले आखीर थाहा पाउदैँनन्,नकराउन प्रिये।
मन्दिरमा बोलाएर आँफै किन न आउनु त ?
रिसको झोकमा चिट्ठीपत्र नडढाउन प्रिये।
तिम्रो हातको औँठी चिनो, मेरो नभै कस्को हो त ?
माया प्रेमका प्रमाणहरु नहराउन प्रिये ।
मेरै हात शीरमा राखी कसम तिम्ले खाएनौ र ?
फक्रेको त्यो फूल अन्तै, नचराउन प्रिये ।
छाती माथि शिर राखी रात बिताको बिर्सियौ र ?
ओल्लो मुटु पल्लो घरमा नसराउन प्रिये ।
Comments
Post a Comment